Un álbum ilustrado interactivo que invita a descubrir como se vive en distintos lugares do mundo. Cada personaxe e cada casa aparecen separados mediante páxinas divididas horizontalmente, creando un xogo de observación e asociación no que o lector deberá descubrir que fogar corresponde a cada historia. Un percorrido visual por diferentes culturas, vivendas e formas de vida que esperta a curiosidade e achega a diversidade cultural aos lectores dunha maneira lúdica e participativa.
