Fiz, o coleccionista de medos. Gallego

Fiz non era como os demais cativos: era o máis medorento do mundo! Unha noite vai ao baño e asústase tanto ao verse reflectido no espello, que cae na pota de desplumar os pitos. A avoa, mentres o limpa, dálle unha idea: coleccionar medos. Entón Fiz empeza a gardar nun baúl todas as cousas que lle atemorizan e, deste xeito, consegue que os medos se vaian facendo máis pequenos, e as risas, máis grandes. A autora, Fina Casalderrey, convídanos a expresarnos e rirnos de nós mesmos, sacar partido a todo o que nos asusta ou nos limita, xogar co medo, aceptalo e desdramatizalo. A ilustradora, Teresa Lima, mostra a súa complicidade en elegantes e cálidas imaxes que nos achegan ao mundo fantástico da infancia, no que habitan tantos seres imaxinarios.