Lala e Lolo: son inseparables

ELA É UNHA GATA PEQUENA E ESPELIDA. EL, UN CAN PACHORRENTO E GRANDÓN. GÚSTALLES XOGAR, ENREDAR E...VIAXAR! Lala e Lolo inauguran unha nova colección de libros de cartoné para os máis pequenos, pensada para compartir, xogar e descubrir xuntos. Con solapas e mecanismos deslizantes, estes dous primeiros volumes acompañan a unha gata curiosa e a un can tranquilo nas súas pequenas aventuras cheas de sorpresa. Unha proposta resistente, interactiva e moi visual, ideal para as primeiras lecturas e os primeiros xogos cos libros.