Unha proposta orixinal e chea de humor que rompe os estereotipos sobre as avoas. Nina e Tita son dúas avoas moi distintas ás que aparecen nos contos. Non camiñan con bastón nin quedan na casa tecendo: unha sempre anda ás présas, fai dieta e vai á piscina, a outra móvese en bicicleta, cociña á grella e practica ioga. «Será entón que os libros están errados?», pregúntase a protagonista desta historia. Todo se desvelará na próxima reunión familiar. Ilustrado por Raquel Catalina, “Nina e Tita” é un libro ideal para compartir en familia que celebra os vínculos interxeracionais e convida a reformularnos os estereotipos asociados coas persoas maiores dende unha perspectiva actual, a través de comparacións sinxelas e repletas de humor que mostran a vitalidade das avoas de hoxe en día.
