16 urteko neskatoa da Liv. Zoriontsu bizi da familiarekin Modron basoan. Bertako zuhaitzak ditu babesgune, eta handik kanpoko arazoak arrotz zaizkio. Baina gau batean, arazo horiek etxeko atariraino iritsi zaizkio, ihes egin behar du, eta bere bizitzako abenturarik handiena biziko du. Bidaia horretan ezagutuko ditu laguntasuna, beldurra, ausardia, maitasuna, eta baita bere burua ere. Bidelagun izango ditu Maeve atsoa, Shir-Tar gerlaria, Lileath printzesa, Anwar basamortuko beduinoa... Bidaia ikaragarria izango da Ranjartian izeneko lurraldean zehar, hura menderaturik daukan Magmul agintari zitala hiltzea beste helbururik gabe, Odol-ilargiaren egunean.
