Tentelontzia

Bazen mutiko bizkor-bizkor bat. Tentelen hirian bizi zen. Eta, jakina, asper-asper egiten zen. Egun batez, goizean jaiki zenean, asperdura uxatzeko asmo sendoa hartu zuen: pitxer batean tomate landare txiki-txiki bat landatu zuen, eta etiketa misteriotsu bat ipini zion, hauxe zioen etiketak: «Tomateak hamahiru aletara iristean, kontatzen dituena desagertu egiten da bat-batean».