Tonta

Hotel abandonatu baten eraikin osoa alokatzea erabaki du Regina margolari enigmatiko batek. Haren etorrerak, berriz, erabat iraultzen du Brigitteren bizitza bakartia. Bien arteko harremana, hasieran liluragarria izan arren, berehala bihurtzen da dinamika arriskutsu, eta ezinezkoa izango da hortik ihes egitea. Harremanaren lekuko dira Marilyn oiloa, Ursula zerria eta Cesare gizona. Jasone Osororen ahotsak bat egiten du kontatu nahi duen istorioarekin: doluaz, bizirauteko sen itsuaz eta maitasunaz idatzi du, estilo zehatz, gordin eta poetikoan. Tonta nouvelle zinez erakargarria da, errealismo magikoaren ukitua eta guzti, iluna eta aztoragarria, irakurlea hasieratik harrapatuko duena.