Horaciok hamahiru urte ditu eta une zaila igarotzen ari da. Gurasoak bereizi egin dira eta institutuan iseka egiten diote ikaskideek. Uda gogorra du aurrean, aitak udalekuetara bidali nahi duelako. Berak, ordea, ez du aurreko urteko esperientzia errepikatu nahi. Bere asmoa aitonari bisita egitea da. Antoine de Saint-Exupéryren miresle handia da aitona, eta sekretu bat kontatuko diola hitz eman dio. “Horaciok ez daki bere bizitzako udarik garrantzitsuenetako bat izango dela datorrena”.
