Unha primavera para Aldara

Unha primavera para Aldara» desenvólvese no interior dun mosteiro, na Galiza do século XV. No exterior estoupa a Revolta Irmandiña contra os abusos dos nobres feudais. Ao convento chega Don Nuno, un cabaleiro irmandiño ferido gravemente na batalla. As regras non permiten presenza masculina no convento, porén, Aldara, a abadesa, decide poñer por diante a misericordia e acoller o forasteiro. Mais esta decisión no convento serve como detonante dun enfrontamento de posturas entre as monxas que culminará nunha traizón. En palabras da autora, «os personaxes desta obra teatral afrontan conflitos dos que se chaman eternos e procuran horizontes de liberdade persoal relativos ao afán de coñecemento, a paixón, a ruptura co estabelecido, nun ambiente de tenrura e fraternidade».