Zelaiaren bila

Mende amaierako eguzkia izugarria da. Arelusko herriak bi muinoren gerizan eusten dio bizimoduari. Ez da beroa arazo larriena: eguzkiaren indarrak jendearen borondatea nahastu eta mendeko bihurtzen ditu, bizioen mende bizi diren pertsona arriskutsu. Mendekoen jaunak, Jaun Goriak, arelustar guztiak azpiratzeko festa-egun berezia antolatu berri du, eta istorioa egun horren bezperan hasten da. Munduaren azkena datorren honetan, lau pertsonaia nagusiren bideak gurutzatu dira. Urubik, eguzkitik libre hezi den gazteak, Jaun Goria garaitzeko bidaiari ekin dio. Kedar zentraleko langilearen asmo bitxiak ustekabeko enkontru batek zapuztu ditzake. Gari mutilkoskorrak kosta ahala kosta elkartu nahi du bere lagun minarekin. Eta Goñi agurea aspaldiko damu baten atzetik dabil lurpeko bide ilunetan barrena. Andoni Agirrezabalaren estiloak erabat sorgintzen du, harmonikoa da, esaldien kadentziak sortzen duen oihartzuna, liluragarria, beste mundu batekoa. Misterioa, suspensea, ikara eta umorea aurkituko ditu irakurleak nobela apokaliptiko honetan. Zelaia ere bai, akaso. Han izango du lanbro artean zain.