Nobelarekin batera, pack moduan, eskaintzen dugun lana ez da ilustrazio bilduma arrunta: Ramon Saizarbitoriaren Ene Jesus nobela oinarri hartuta, testua bera irudi bihurtzen duen Joxean Muñozen proposamen artistikoa da. Paper milimetratuaren eta testuaren arteko talka baliatuz, ordena narratiboa apurtu eta kode geometriko errepikakor baten bidez diskurtsoa zatitu, estali eta berreraikitzen da. Irudiek ez dute kontakizuna azaltzen, baizik eta nobelaren haustura, ezintasuna eta tentsio emozionala azaleratzen dituzte. Hasieran modu esperimentalean sortua, lan hau edizio pribatu batetik argitalpen zabalago batera igaro da, nobelari omenaldi bisual eta kontzeptual gisa.
